TAUri ongietorria

Ba beno, azkenean nire mutilagunarekin hurbildu naiz TAUri egin zaion ongietorria ikustera.

Egia izan ez zegoen jende asko, baina ondo egon da. Niri ilusio gehien egin didana Dusko ikustea izan da, noski! XD

Bestetik harritu nauen gauza bat izan da bertan zegoen speaker-ak euskaraz dexente hitzegin duela, benetan espero nuena baino gehiago.

Politena honakoa izan da:

• Prigioni bere alabarekin batera Ikusi Mendizaleak abestu dutenean.

• Splitter-i egindako txaloaldia, nabaria da zaleek asko maite dutela.

• Pete Mickeal-i egindako txaloaldia, guztietan handiena, bera izan zelako erabakigarriak izan ziren azken puntuak igo zituena.
  

Beno, ba Liga eta Euroliga irabazitakoan, berriro joango gara ikustera!

TAU txapeldun!

Asko sufritu ondoren Tau Baskoniak Erregearen Kopa irabazi du.

Pozten nahiz jokari eta  entrenatzailearen lana eta esfortsu handiagatik, merezi zutelako hau irabaztea.

Batez ere, Dusko Ivanovic handiarentzat zorionak, taldearen entrenatzailea dena, bere lanak ikustarazten duelako benetako lan handia eginez egundokoak lortzen direla.

Orain dela hiru urte izan zen azken kopa irabazi zuten urtea, eta finalaren hurrengo egunean izugarrizko ongietorria egin zitzaion taldeari. Aurten ordea ez da egingo, asteazkenean partidua dagoelako eta Duskok erlaxatuta eduki nahi duelako taldea.

Baina lasai, oraindik ACB liga eta Euroliga geratzen dira, beraz, badago ongietorrientzako denbora.

Argazkia: EITB

20 Minutos Lapurra

20 Minutos egunkariaren etika nahiko eztabaidagarria da, eta ez nago bere berriek duten amarillismoaz, baizik eta beraien lan prozeduraz.

Kontua honakoa da:

Paolo Salvatore ikasle bat da atzerrian dagoena ikasten. Argazki zalea da eta edonon bere argazkiak egiten ditu geroago Flick-era igotzen ditu.

Bere argazkietako bat benetan ederra da, Santa Cruz de Tenerifeko Espainiako Plaza, eta argazkia, Creative Commons lizentziapean dauka igota.

Behin, 20 Minutos egunkariak Santa Cruz de Tenerifeko argazki bat behar zuen, eta ez zitzaion gauza hoberik okurritu Paolo Salvatoreren argazkia hartu eta idazten ari zuen berrira atxikitzea baino.

Noski, egunkariak ez zuen autoreari baimena eskatu, eta hori gutxi balitz, argazkiaren iturrian 20MINUTOS jarri zuen. Guzti hori argazkilariak berak egindako kaptura batean ikusi daiteke.

Horretaz konturatu zenean, Paolok email bat bidali zien egunkarikoei, eta ez zuten argazkia kendu, soilik argazkiaren autorean bere izena jarri zuten eta bere web gunea adierazi zuten.

Hala ere, jarraitzen zuten bere baimenik gabe.

Logikoa denez, Paolok adierazi zien ordaindu beharko ziotela bere materialak erabiltzeagatik, baina ezezko erantzuna jaso zuen. Orain Paolok ez daki zer egin. Antza denez denuntzia bat jarri die zor dioten dirua lortzeko, baina ez dago argi noraino iritsiko den guzti hau.

Bitartean, medio asko berriaz jabetu dira Paolo Salvatoreri animoak bidaliz, Meneame, Blacfocus ...

Edozein kasutan, argi dago eskubide batzuk bortxatuak izan direla.

Lotsagabekeria galanta.

Ajuria Enea está en sus manos

"Ajuria Enea está en sus manos", horixe da Diario Noticias de Álava-k gaurko egunkarian kaleratu duen erreportai baten izena. Eta zer dauka berezia? Elkarrizketa bat egiten didatela!

Pasa den astelehenean elkarrizketa egin zidaten eta atzo arratsaldean Eusko Lege Biltzarrera joan ginen argazkiak ateratzera. Lekua barrutik ikusteko aukera polita izan zen, eta gainera alde batetik bestera ibili ginen lasai lasai aulkiz-aulkiz.

Irudian ikusten duzuen bezala, ni Izaskun Bilbao-ren aulkian eseri nintzean, horra hor nere ipurdia Eusko Lege Biltzarraren lehendakariaren eserlekuan!

Erreportaia hemen ikusi dezakezue. Egunkariaren azalean ere agertu gara.

Beste ildo batetik, gaueko bederatzietan (21.00) Ola19 irratian berriro ere programa daukagu, beraz, entzun nahi baduzue, hemen klikatu. Gainera foroan parte hartu nahi baduzue kritikak egiteko edo zerbait gehitzeko, hona hemen foroaren esteka.

Koala baten istorioa

Egun hauetan Australiak izugarrizko temperatura altuak jasaten ari ditu, eta tamalez, beroa suarekin elkartu ohi da.

Istoria ez da berria, milaka hektarea erreta, jendea bere etxeak atzean uzten ...

Baina betiko istoria horren barruan hunkigarriak diren kasuak daude, esate baterako munduan zehar zabaldu den hurrengo bideoan ikusten dena.

Bertan Koala gizarajo bat agertzen da; bere bizilekua erabat erre egin da eta ez dauka ez inora jotzerik ez ezer jatekorik.

Horrela bada, Koala gaixoa aurkitu zuten suhiltzaile batzuek eta honi laguntzen saiatu ziren. Txikitxoak hankatxoak erreta zituen eta hain egarri zegoen hiru ur botila edan zituela.

Argazkia: http://latimesblogs.latimes.com

Liluratuta geratu naiz irudiekin. Animali gizarajoari gizakietan konfiatzea besterik ez zitzaion geratzen bizitzen jarraitzeko.

Suhiltzaileek Koala hartu egin zuten eta babes-leku batera eraman zuten bertan sendatzeko. Espero dut laster beste eukalipto baso batean bizi ahal izatea.

Koalari Sam izena jarri diote.

Txantxak lotiei

Bideo hau asko gustatu zait. Bertan lo dagoen jendeari egindako txantxak ageri dira.

Alkandora gorriak

Alkandora gorria kontzeptuaren bidez ezagutzen dira telesailetan eta filmeetan parte hartzen duten bigarren mailako pertsonaiak zeinen helburu bakarra kapituloan hiltzea da.

Askotan alkandora gorri bezala "atzealdeko pertsonai" edo "extra" ere kontsideratzen dira.

Kontzeptu hau oso zabaldua dago zientzia fikzioko telesailetan, eta bertan aurkitzen da terminoaren jatorria. Zehaztuz, 1966ko Star Treck telesailean agertu zen lehengo aldiz terminoa; bertan aldez aurretik inoiz agertu ez ziren pertsonaiak agertzen ziren kamiseta edo alkandora gorria soinean zutelarik. Bigarren mailako pertsonai hauek pertsonai nagusien taldekide bihurtzen ziren eta normalean espazio misio batean erahilak izaten ziren.

Pertsonai hauen heriotzak balio zuen adierazteko istorioan ematen ziren egoeren arriskua adierazteko. Hori bai, nahiz eta egoerak oso arriskutsuak izan pertsonai nagusiak inoiz ez ziren hiltzen.

Hainbeste gustoko dudan Lost telesailean alkandora gorri ugari agertzen dira. Gainera, kasu honetan nahiko argi uzten dute gidoilariek noiz hilko den bigarren mailako pertsonai bat, kasuan kasu arreta berezia jartzen diotelako inoiz ez agertu ez den pertsonaiari.

Lost barruan alkandora gorrien inguruan solasaldi txiki bat egon zen Boone eta Locke artean:

BOONE: Alkandora gorriak
LOCKE: Zer?
BOONE: Ez duzu inoiz Star Trek ikusi?
LOCKE: Ez, egia esan ez.
BOONE: Protagonistekin, kapitaina eta belarri puntazorrotzarekin, planetetara jaisten ziren tripulazioko kideak. Beti zeramaten alkandora gorriak eta beti hiltzen ziren bukaeran.

LOCKE: Bai?
BOONE: Bai.
LOCKE: Ezin txarragoa izango zuten kapitaina orduan.